डॉ. बाबासाहेब आंबेडकर कृषी स्वावलंबन योजना – शेतकऱ्यांसाठी महत्त्वाची संधी!!

शेती हा अनिश्चिततेने भरलेला व्यवसाय मानला जातो, त्यामुळे शेतकऱ्यांना आर्थिकदृष्ट्या सक्षम करण्यासाठी शासन विविध योजना राबवत असते. त्यातीलच एक महत्त्वाची योजना म्हणजे डॉ. बाबासाहेब आंबेडकर कृषी स्वावलंबन योजना. ही योजना अनुसूचित जाती व नवबौद्ध शेतकऱ्यांसाठी राबवली जाते. या योजनेअंतर्गत शेतकऱ्यांना सिंचन सुविधा मिळावी आणि त्यांचे उत्पन्न वाढावे, हा प्रमुख उद्देश आहे. या योजनेत नवीन विहिरीसाठी 4 लाख रुपये व जुन्या विहिरीच्या दुरुस्तीसाठी 1 लाख रुपयांपर्यंतचे अनुदान दिले जाते.

शेततळ्याच्या प्लास्टिक अस्तरीकरणासाठी देखील शेतकऱ्यांना मोठ्या प्रमाणात मदत केली जाते. यासाठी प्रत्यक्ष खर्चाच्या 90% किंवा जास्तीत जास्त 2 लाख रुपये शेतकऱ्यांना दिले जातात. राज्यातील मुंबई वगळता इतर सर्व जिल्ह्यांमध्ये ही योजना लागू करण्यात आली आहे. या योजनेचा लाभ 0.40 ते 6.00 हेक्टर क्षेत्र असलेल्या शेतकऱ्यांना मिळतो. यामुळे शेतकऱ्यांचे उत्पन्न वाढण्यास आणि जीवनमान सुधारण्यास मोठी मदत झाली आहे.

योजनेचा लाभ घेण्यासाठी ऑनलाईन अर्ज आवश्यक
शेतकऱ्यांनी या योजनेचा लाभ घेण्यासाठी महाडीबीटी पोर्टलवर नोंदणी करणे गरजेचे आहे. विहीर दुरुस्ती किंवा नवीन विहिरीसाठी अर्ज करणाऱ्या शेतकऱ्यांना 50 हजार रुपयांपर्यंतचे अनुदान दिले जाते. त्यामुळे शेतकऱ्यांनी अधिकाधिक संख्येने या योजनेचा लाभ घ्यावा, असे आवाहन कृषी विकास अधिकारी प्रकाश पाटील यांनी केले आहे.

अनुदानाची माहिती

या योजने अंतर्गत शेतकऱ्यांना विविध प्रकारच्या अनुदानांची सुविधा उपलब्ध आहे

• नवीन विहीर: 2 लाख 50 हजार
• जुनी विहीर दुरुस्ती: 50 हजार
• इनवेल बोअरिंग: 20 हजार
• पंप संच: 20 हजार (10 अश्वशक्ती क्षमतेच्या विद्युत पंप संचासाठी 100% अनुदान)
• वीजजोडणी आकार: 10 हजार
• शेत तळ्याचे प्लास्टिक अस्तरीकरण: 1 लाख
• सूक्ष्म सिंचन संच:
• ठिबक सिंचन संच: 50 हजार
• तुषार सिंचन संच: 25 हजार

पॅकेजेस

योजनेअंतर्गत विविध पॅकेजेस उपलब्ध आहेत:

1. नवीन विहीर पॅकेज

या पॅकेजमध्ये नवीन विहीर, पंप संच, वीज जोडणी आकार, सूक्ष्म सिंचन संच, आणि आवश्यकतेनुसार इनवेल बोअरिंग यांचा समावेश आहे.

2. जुनी विहीर दुरुस्ती पॅकेज

यामध्ये जुनी विहीर दुरुस्ती, पंप संच, वीज जोडणी आकार, सूक्ष्म सिंचन संच, आणि आवश्यकतेनुसार इनवेल बोअरिंग यांचा समावेश आहे.

3. शेत तळ्याचे प्लास्टिक अस्तरीकरण

या पॅकेज अंतर्गत शेत तळ्याचे प्लास्टिक अस्तरीकरण करण्यात येते.

पात्रतेच्या अटी

या योजनेचा लाभ घेण्यासाठी शेतकऱ्यांना काही अटी पूर्ण कराव्या लागतात:

1. लाभार्थी अनुसूचित जाती/नवबौद्ध शेतकरी असावा.
2. जात प्रमाणपत्र असावे.
3. नवीन विहीरचा लाभ घेण्यासाठी किमान 0.40 हेक्टर शेतजमीन असणे आवश्यक आहे.
4. सामुहिक शेतजमीन किमान 0.40 हेक्टर धारण करणारे एकत्रित कुटुंब लाभ घेऊ शकते.
5. इतर घटकांसाठी किमान 0.20 हेक्टर शेतजमीन असणे आवश्यक आहे.
6. कमाल शेतजमीन 6.00 हेक्टरआहे.
7. 7/12 दाखला आणि 8 अ उतारा आवश्यक आहे.
8. आधार कार्ड आवश्यक आहे.
9. बँक खाते आधार कार्डाशी संलग्न असावे.
10. स्व. कर्मवीर दादासाहेब गायकवाड सबलीकरण व स्वाभिमान योजनेंतर्गत जमीन वाटप झालेल्या शेतकऱ्यांना प्राधान्य.
11. वार्षिक उत्पन्न 1 लाख 50 हजार पेक्षा कमी असावे.
12. उत्पन्नाचा दाखला तहसीलदारांकडून मिळवावा लागेल.
13. ग्रामसभेची शिफारस आवश्यक आहे.

अर्ज प्रक्रिया – How To Apply For Dr Babasaheb Ambedkar Agricultural Self Reliance Scheme

योजनेचा लाभ घेण्यासाठी अर्ज ऑनलाईन पद्धतीने भरावा लागतो. अर्ज भरण्याची प्रक्रिया खालीलप्रमाणे आहे:

1. वेबसाईट: www.mahadbt.maharashtra.gov.in http://www.mahadbt.maharashtra.gov.in
2. ऑनलाईन अर्ज भरण्यावर लाभार्थीची निवड लॉटरी पद्धतीने होते.
3. सर्व आवश्यक कागदपत्रे अपलोड करणे आवश्यक आहे.
4. जिल्हास्तरीय समितीकडून मंजूरी मिळाल्यानंतर लाभार्थ्यांना अनुदान मिळेल.