डिसेंबरमध्ये १० कंपन्यांचे आयपीओ येणार; २० हजार कोटी रुपयांचा निधी उभारणार | Upcoming IPO Details in Marathi

Upcoming IPO Details in Marathi:  प्राथमिक बाजारात अजूनही उत्साह असल्याने हे वर्ष सार्वजनिक समभाग विक्री अर्थात आयपीओसाठी सुगीचे ठरले आहे. वर्ष संपता संपता आणखी किमान १० कंपन्या पुढील महिन्यात आयपीओ घेऊन भांडवल बाजारात प्रवेशकर्त्या होत आहेत. सार्वजनिक समभाग विक्रीद्वारे २० हजार कोटी रुपयांचा निधी उभारण्याचा या कंपन्यांचा मानस आहे. सुपरमार्ट विशाल मेगा मार्ट आणि ब्लॅकस्टोनच्या मालकीची डायमंड ग्रेडिंग कंपनी इंटरनॅशनल जेमोलॉजिकल इन्स्टिट्यूट (इंडिया) लिमिटेडसह १० कंपन्या पुढील महिन्यात म्हणजे डिसेंबरमध्ये सार्वजनिक समभाग विक्री करण्याच्या तयारीत असल्याचे मर्चेंट बँकर्सचे म्हणणे आहे. एव्हान्स फायनान्शियल सर्व्हिसेस, साई लाइफ सायन्सेस, पारस हेल्थकेअर आणि गुंतवणूक बैंक डॅम कॅपिटल एडव्हायझर्स यांचाही समावेश आहे, असे त्यांनी सांगितले.

या कंपन्यांनी भागविक्रीतून एकूण २० हजार कोटी रुपये उभे करण्याचे उद्दिष्ट ठेवले आहे. हे आयपीओ वेगवेगळ्या क्षेत्रांचे आणि आकाराचे असतील. यामध्ये नवीन शेअर्सचे इश्यू आणि ऑफर फॉर सेल या दोन्हींचा समावेश आहे. विद्यमान भागधारकांना बाहेर पडण्याचा मार्ग उपलब्ध करून देण्यासाठी, विस्तार योजनांसाठी निधी उभारण्यासाठी, कर्जाची परतफेड करण्यासाठी आणि खेळत्या भांडवलाच्या गरजा भागवण्यासाठी कंपन्या प्राथमिक बाजारातून निधी उभारत आहेत. त्यानुसार विशाल मेगा मार्ट ८,००० कोटी रुपये उभारण्याची योजना आखत आहे. हे समभाग ऑफर फॉर सेल स्वरूपात असतील. जेमोलॉजिकल इन्स्टिट्यूटला ४,००० कोटी रुपये उभारण्याची आशा आहे. एव्हान्स फायनान्शियल सर्व्हिसेस ३,५०० कोटी रुपये उभे करण्याचे उद्दिष्ट आहे. ममता मशिनरी आणि ट्रान्सरेल लाइटिंग पुढील महिन्यात आयपीओ आणणार आहे. विद्यमान वर्ष आयपीओसाठी चांगले ठरले आहे. महाराष्ट्र निवडणूक निकालांनी बाजारात सकारात्मक भावना निर्माण केली आहे. सध्या निवडणुकीशी संबंधित निधी बाजारात परत येत आहे आणि ग्रे मार्केट पुन्हा सक्रिय पापय गायपीओ येणार होत आहे. यामुळे आयपीओ घडामोडींना चालना मिळेल. येत्या काही महिन्यांत ३० पेक्षा जास्त आयपीओ अपेक्षित आहेत, असे ट्रेडजिनी या ऑनलाइन ब्रोकरेज हाऊसचे मुख्य कार्यकारी अधिकारी त्रिवेश डी. यांनी सांगितले

५ वर्षांत २३६ आयपीओ

आयपीओ गुंतवणूकदारांनी गेल्या पाच आर्थिक वर्षात लक्षणीय नफा कमावला आहे. २०२०-२१ ते २०२४-२५ या आर्थिक वर्षांमध्ये २३६ आयपीओ भांडवल बाजारात आले. नोंदणीच्या दिवशी सरासरी २७ टक्के नफा झाला आहे.

---

Upcoming IPO Details in Marathi: शेअर बाजाराच्या पहिल्याच दिवशी चांगले पैसे कमवण्याची शक्यता आहे. या आठवड्यात अनेक चांगले आयपीओ येणार आहेत. तर काही आयपीओ हे गुंतवणुकीसाठी खुले झाले आहेत. शेअर बाजारातील (Share Market) या आठवड्याचा हा पहिला दिवस आहे. एक्झिट पोलचा (Exit Polls) अंदाज समोर आल्यानंतर आता सोमवारी (3 जून) नेमकं काय घडणार? असा प्रश्न विचारला जातोय. दरम्यान, निवडणुकीची मतमोजणी अवघ्या एका दिवसावर आल्यामुळे आज शेअर बाजारात मोठ्या घडामोडी घडण्याची शक्यता आहे. शेअर बाजारात आज मोठे चढ-उतार होऊ शकतात. याच कारणामुळे गुंतवणूकदारांना आज चांगले पैसे कमवण्याची संधी आहे. दरम्यान, या आठवड्यात शेअर बाजारात एकूण तीन आयपीओ येत आहेत. यातील एक आयपीओ हा मेनबोर्ड आयपीओ तर दोन आयपीओ एसएमई क्षेत्रातील आहेत. यासह तीन आयपीओ असे आहेत, जे 3 आणि 4 जून रोजी बंद होणार आहेत. हे आयपीओ 30 आणि 31 मे रोजी गुंतवणुकीसाठी खुले झाले आहेत.

शेअर बाजारातील तज्ज्ञांच्या मतानुसार सध्या शेअर बजार आणि आयपीओ हे चांगलेच तेजीत आहेत. सध्या शेअर बाजारात अस्थिरता असली तर काही आयपीओ मात्र मार्केटमध्ये चांगली कामगिरी करत आहेत. यामध्ये औफिस स्पेस सोल्यूशन्सच्या आयपीओचा समावेश आहे. याच कारणामुळे सध्या आगामी काळात येणाऱ्या आयपीओंबाबतही गुंतवणूकदार उत्सुक आहेत.

आगामी आठवड्यात कोणकोणते आयपीओ येणार

क्रोनॉक्स लॅऐब सायंसेज आईपीओ : येत्या 3 जून रोजी हा आयपीओ सबस्क्रीप्शनसाठी खुलाह होणार आहे. 5 जूनपर्यंत गुंतवणूकदारांना या आयपीओत गुंतवणूक करता येईल. या आयपीओच्या माध्यमातून कंपनी 0.96 कोटी शेअर्स विकणार आहे. या आयपीओचा किंमत पट्टा 129 ते 136 रुपये प्रति शेअर असणार आहे.

मॅजेंटा लाइफकेअर आईपीओ : येत्या पाच जूनपासून या कंपनीचा आयपीओ गुंतवणुकीसाठी खुला होणार आहे. सात जूनपर्यं तुम्हाला या आयपीओत पैसे गुंतवता येणार आहेत. या आयपीओचा किंमत पट्टा 35 रुपये प्रति शेअर आहे.

सॉट्रिक्स आईपीओ : येत्या 5 जून रोजी हा आयपीओ खुला होणार असून 7 जूनपर्यंत या आयपीओत गुंतवणूक करता येणार आहे. हा आयपीओ एसएमई सेगमेन्टमधील आहे. या आयपीओच्या माध्यमातून कंपनी एकूण 18 लाख शेअर्स इश्यू करणार आहे. एसएमई सेगमेंटमधील हा आयपीओ 121 रुपये प्रति शेअर आहे.

असोसिएटेड कोटर्स आईपीओ : हा आयपीओ गुंतवणुकीसाठी 30 मे रोजी खुला झालेला असून 3 जूनपर्यंत यात गुंतवणूक करता येणार आहे. 5.11 कोटींच्या या आयपीओच्या माध्यमातून 4.22 लाख शेअर्स विकले जाणार आहेत. या आयपीओचा किंमत पट्टा 121 रुपये आहे.

अॅमट्रॉन इलेक्ट्रॉनिक्स आईपीओ : हा आयपीओ 30 मे रोजी खुला झालेला असून 3 जून रोजी तो बंद होणार आहे. एसएमई सेगमेंटमधील हा आयपीओ 87.02 कोटी रुपयांचा असून 54.05 लाख फ्रेश शेअर्स विकले जाणार आहेत. या आयपीओचा किंमत पट्टा 153 ते 161 रुपए प्रति शेअर आहे.

टीबीआय कॉर्न आईपीओ : हा आयपीओ 31 मे रोजी गुंतवणुकीसाठी खुला झाला आहे. चार जून रोजीपर्यंत यात गुंतवणूक करता येईल. या आयपीओची साईझ 44.94 कोटी रुपये असून या माध्यमातून कंपनी 47.81 लाख शेअर्स विकणार आहे. या आयपीओचा किंमत पट्टा 90 ते 94 रुपए प्रति शेअर ठेवण्यात आलाय.